საქართველოს საელჩო დანიის სამეფოში

ძვირფასო თანამემამულეებო, გაცნობებთ, რომ შაორის ახალგაზრდულ ბანაკში მონაწილეთა რეგისტრაცია დაიწყო! 2025 წლის 1 აგვისტოდან 5 აგვისტოს ჩათვლით, საქართველოს განათლების, მეცნიერებისა და ახალგაზრდობის სამინისტროს სსიპ „ახალგაზრდობის სააგენტოს“ ორგანიზებით, ამბროლაურის მუნიციპალიტეტში, შაორის ტბის მიმდებარედ წელსაც გაიმართება ახალგაზრდული ბანაკის პროგრამა. ბანაკის პროგრამაში მონაწილეობის მიღების შესაძლებლობა აქვთ უცხოეთში მცხოვრებ ქართველ მოზარდებსაც, რომლებიც აკმაყოფილებენ ასაკობრივ კრიტერიუმს. მონაწილეები ჩაერთვებიან მრავალფეროვან კულტურულ, სპორტულ და საგანმანათლებლო აქტივობებში, დაამყარებენ ურთიერთობას თანატოლებთან და გაიუმჯობესებენ ქართული ენის ცოდნას.

2025 წლის 17 ივნისს, დანიის სამეფოსა და ისლანდიაში საქართველოს საგანგებო და სრულუფლებიანი ელჩი, ნატა მენაბდე, რეიკიავიკში, ისლანდიის საგარეო

2025 წლის 19-22 ივნისს, კოპენჰაგენის კინოფესტივალის GENERATION-ის პროგრამაში ქართული ფილმი იქნება წარმოდგენილი. 19 ივნისს, ხუთშაბათს, 20:00 საათზე კინოთეატრში GLORIA გაიმართება დეა კულუმბეგაშვილის ფილმის „აპრილი” ჩვენება. ფილმის შესახებ ინფორმაცია და ბილეთების შეძენა შეგიძლიათ შემდეგ ბმულზე: https://flow.ebillet.dk/billetter/35556/62247?org=167

2025 წლის 8 ივნისს, კოპენჰაგენში ბუნებრივი ღვინის ცნობილი გამოფენა “Raw Wine 2025” გაიმართა. ღონისძიებაში საქართველოს ღვინის ეროვნული სააგენტოს და დანიის სამეფოში საქართველოს საელჩოს ხელშეწყობით, ბუნებრივი ღვინის მწარმოებელი 6 ქართული საოჯახო მარანი მონაწილეობდა. გამოფენას ესწრებოდა საქართველოს ელჩი და საელჩოს წარმომადგენლები.

2025 წლის 6 ივნისს, ისლანდიის დედაქალაქ რეიკიავიკში, საქართველოს საელჩოს (რეზიდენციით - კოპენჰაგენი) ორგანიზებით, დამოუკიდებლობის დღისადმი მიძღვნილი მიღება გაიმართა.

2025 წლის 4 ივნისს, საქართველოს საელჩოს ორგანიზებით, კოპენჰაგენში, საქართველოს დამოუკიდებლობის დღისადმი მიძღვნილი მიღება გაიმართა.