ვებ-გვერდი მუშაობს განახლების რეჟიმში
 

საქართველოს საგარეო საქმეთა სამინისტრო, მიგრაციის პოლიტიკის განვითარების საერთაშორისო ცენტრთან (ICMPD) თანამშრომლობით ევროკავშირის მიერ დაფინანსებული პროექტის – ENIGMMA-ს (მიგრაციის მართვის გაძლიერება საქართველოში) ფარგლებში აგრძელებს მუშაობას პროგრამაზე – „საქართველოს მაღალ-პროფილური დიასპორის ჩართულობა“. პროგრამის მიზანია საქართველოს განვითარების პროცესში მაღალი კვალიფიკაციის მქონე თანამემამულეების ჩართულობის ხელშეწყობა. მიზნობრივ ჯგუფებს წარმოადგენენ ჩვენი თანამემამულეები, რომლებმაც პროფესიულ წარმატებებს მიაღწიეს ადგილსამყოფელ ქვეყნებში და ასევე, თავიანთი წვლილი შეიტანეს წარმოშობის ქვეყნის განვითარებაში.

ვრცლად იხილეთ: http://gov.ge/s/c3088

განთავსების თარიღი: 26.04.2017
 

საკონსულო აღრიცხვა

განთავსების თარიღი: 30.08.2016
 

11 აპრილს, საქართველოს საპარლამენტო დელეგაცია, პარლამენტის თავმჯდომარის, დავით უსუფაშვილის ხელმძღვანელობით, ეუთოს საპრლამენტო ასამბლეის ბიუროს სხდომას დაესწრო, რომელიც დანიის დედაქალაქ კოპენჰაგენში გაიმართა. ასამბლეის ბიუროს მუშაობის ძირითად საკითხებს წარმოადგენდა რეზოლუციების პროექტების განხილვა, რომლებიც საბოლოო სახით განხილული და მიღებული იქნება ეუთოს საპარლამენტო ასამბლეის ყოველწლიურ სესიაზე თბილისში, რომელსაც საქართველო მიმდინარე წლის 1-5 ივლისს უმასპინძლებს.

განთავსების თარიღი: 12.04.2016
 

ქ. ჟენევაში გაერთიანებული ერების ორგანიზაციის ოფისში ქართული ქვევრის განთავსების საზეიმო ცერემონიალი გაიმართა.
 
ქვევრი საქართველოს მთავრობამ გაერო-ს ორგანიზაციის დაარსების 70 წლისთავთან დაკავშირებით უსახსოვრა. აღსანიშნავია, რომ ქვევრის ღვინის ტრადიციული დაყენების მეთოდს იუნესკოს არამატერიალური კულტურული მემკვიდრეობის ძეგლის სტატუსი აქვს მინიჭებული. 

განთავსების თარიღი: 02.03.2016
 

16 თებერვალს, საქართველოს საელჩომ დანიის ჰელსინკის კომიტეტის, დანიის გაერო-ს ასოციაციისა (FN-forbundet) ევროპული ორგანიზაციის წევრებს უმასპინძლა.

საქართველოს ელჩმა ნიკოლოზ რთველიაშვილმა, მოწვეულ სტუმრებთან განიხილა საქართველოს ევროპულ და ევროატლანტიკურ სტრუქტურებში ინტეგრაციის საკითხები და არსებული თანამშრომლობის მექანიზმები, მათ შორის, ასოცირების შესახებ შეთანხმება და მისი ღრმა და ყოვლისმომცველი სავაჭრო სივრცის კომპონენტი, ევროკავშირთან სავიზო რეჟიმის ლიბერალიზაციის პროცესი, ნატო-საქართველოს ურთიერთობები. საქართველოში განხორციელებული თუ მიმდინარე რეფორმები.

განთავსების თარიღი: 17.02.2016
 

2016 წლის 29-30 იანვარს, დანიის სამეფოში საქართველოს ელჩი ნიკოლოზ რთველიაშვილი იმყოფებოდა დანიის ქ. კოლდინგში  „დანიასა და სამხრეთ შლეზვიგში საქართველოს მეგობრები“-ს საზოგადოების ყოველწლიურ საანგარიშო შეხვედრაზე. რომელსაც ესწრებოდა საზოგადოების  30-მდე წევრი.

განთავსების თარიღი: 02.02.2016
 

დღეს 18 დეკემბერს ევროკომისიამ  საქართველოს მიერ სავიზო რეჟიმის ლიბერალიზაციის სამოქმედო გეგმის (VLAP) იმპლემენტაციის შესახებ რიგით მეოთხე, საბოლოო ანგარიში გამოაქვეყნა.

ევროკომისიის შეფასებით, საქართველომ შეასრულა სავიზო რეჟიმის ლიბერალიზაციის სამოქმედო გეგმის მეორე ფაზის ოთხივე ბლოკით განსაზღვრული ყველა მოთხოვნა, რაც ნიშნავს, რომ სავიზო რეჟიმის ლიბერალიზაციის ტექნიკური პროცესი წარმატებით დასრულდა.

განთავსების თარიღი: 18.12.2015
 

25 ნოემბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ორმხრივი შეხვედრა გამართა დანიის სამეფოს საგარეო საქმეთა მინისტრთან კრისტიან იენსენთან. შეხვედრა დანიის სამეფოში, ქ.კოპენჰაგენში სახელმწიფო მინისტრის სამუშაო ვიზიტის ფარგლებში გაიმართა. დავით ბაქრაძეს სამუშაო ლანჩზე უმასპინძლა დანიის სამეფოს სახელმწიფო მდივანმა საგარეო საკითხებში ლონე ვისბორგმა.ვიზიტის ფარგლებში სახელმწიფო მინისტრმა მონაწილეობა მიიღო დანიის საგარეო პოლიტიკის საზოგადოების მიერ ორგანიზებულ ღონისძიებაში –„საქართველოს ნატოსა და ევროკავშირში ინტეგრაციის პროცესი: მიმდინარეობა და პერსპექტივები" (Georgia's EU and NATO Integration Process: State of Play and Prospects).

განთავსების თარიღი: 26.11.2015
 

2015 წლის 10 ნოემბერს, ქ. ჟენევაში, გაეროს ადამიანის უფლებათა საბჭოს უნივერსალური პერიოდული მიმოხილვის (UPR) ფარგლებში საქართველოს დელეგაციამ წარადგინა ინფორმაცია  საქართველოს ხელისუფლების მიერ 2011 წლიდან ადამიანის უფლებათა დაცვის მდგომარეობის გაუმჯობესების მიზნით განხორციელებული რეფორმებისა და ღონისძიებების შესახებ. საქართველოს შესახებ ანგარიშის განხილვაში მონაწილეობა გაეროს 71-მა წევრმა სახელმწიფომ მიიღო. ანგარიშის განხილვისას წევრი სახელმწიფოების მხრიდან აღინიშნა საქართველოს მიერ მიღწეული პროგრესი შემდეგ სფეროებში:

განთავსების თარიღი: 11.11.2015
 

2015 წლის 28 ოქტომბერს, ქ. ნიუ-იორკში, გაეროს გენერალური ასამბლეის პლენარულ სხდომაზე საქართველო 177 ხმით არჩეულ იქნა გაეროს ადამიანის უფლებების საბჭოს წევრად 2016-2018 წლების ვადით. საბჭოს წევრთა 2015 წლის არჩევნებში რეგიონალური პრინციპის მიხედვით გამოყოფილი იყო 18 ადგილი. საქართველო საბჭოს წევრად აირჩიეს კონკურენციის გარეშე აღმოსავლეთ ევროპის ქვეყნების ჯგუფისთვის გამოყოფილი ორი ვაკანტური ადგილიდან ერთ-ერთზე.

განთავსების თარიღი: 29.10.2015
 
კვ ორ სა ოთ ხუ პა შა
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ